16 settembre 2006

CXLVI-VII - ss. 69-70/14°
Carabinieri
Ghe sarà quei  da barzeéte
che non capisse gnente de quel
che te ghe dise e i vol farte a fete
parché in testa i porta el capèl

e in man ’i ha el distintivo e ’e paéte
(manca sol ch’i vae torno col secièl)
ignoranti peżo de cavarete 
e permaeosi pì de un tosatèl... 

Ma mi ho un amigo carabinier
che no’l se ’assa certo metta ’e pive
int’el sac, ’l ha un ocio fiibustier

l’aria de chi sa come che se vive...
Del resto ’l ha do laure’ quasi vere
’a prima in legge e ’a seconda in... “scrive”.