8 settembre 2006

137 - s. 61, 8°
Intant che destire
sul scoglio un baro
I ricordi s’inpìa lentamente
intant che destire sul scoglio un baro
de batùe a cavar el riso amaro
che disegna l’espression tua doénte

de no ’ver conbinà pressoché gnente
o quasi dei sogni che te véa caro
inte’i ani in cui un Destin avaro
n’à dat a entranbi ’a parte del perdente...

insulso co mi, co ti disattento
anche a l’ovvia diffusa tenerezza
che promanéa... dae to tette al vento...

Ma qua massa calma soffia ’a brezza
sul marchingegno dei ricordi lento
pa’ rabaltarli dâ so triste altezza.