15 dicembre 2006

201 - s. 122/46°
Osson (Losson)
 
In te sto paesin senza riferimenti
o’ ’na volta ghe jera un desavìo 
paesaggio tut canpi e sementi
un giorno s’ha pers anca el bon Dio

che pur par spostarse ’L ha i so talenti;
dopo ver rivardà in vanti e indrìo
destra e sinistra, tirà a zimenti, 
’L ha concluso, un fià indispettìo:

«Se me varde son sicuro che son
ontologicamente son, col cuor,
ma adess no so pì dove che son:

a sto paese de panoce in fior
ghe metarò nome par sempre “O’ son?”»
Sì, dove che s’ha pers anca el Signor…