14 dicembre 2006
200 - s. 121/45°
Capperi!
Quando el poro poeta, dopo un pochi
de giorni che ’l ha ’l frigo tut vodo
el s’ha ridot a magnar quatro tochi
de pan vecio co un pomo e un vovo sodo,
ecco che’l sogna s’un foglio da blochi
’na lista de potaci, che oltremodo
no’l se permete: formajèa, gnochi
saeame, ’na gaina da far brodo...
rivà ai sottaceti no’l se priva
pì de gnent, el va vanti via guaivo:
fonghi, olive, zegoéte... na stiva
de roba e siccome ’l é creativo
no ’l é bon de far de manco de scriva
capperi! col punto esclamativo.
|