18 dicembre 2006

205, 50 - s. 125, 49°
Che bea gaìna
 
Chealtro giorno al ponte de Boccafossa
trove ’na siora co ’a còtoea zàea,
in testa ’na folta criniera rossa
truccàa, do avaroni che bàea 

e in brazz ’na gaìna, ma cussì grossa
e bea che portàrmea casa in spàea 
m’ha parest suìto ’na bea mossa:  
«Siora, par vinti euri me ’a dàea?»

D’un trato ’a se distrae dai so pensieri, 
’a me varda, ’a me vede ’na s-ciantina
un bel tosat senz’arte né mistieri,

’a me soride parché é matina
’a varda in giro, ’a me fa: «Vuintieri...
se savesse a chi assarghe ’a gaìna...»