7 gennaio 2007
221/59 - s. 139/57°
Oltraggio
Quando me pare g’ha rispost mal
al amìgo vìgie, che tra i veri
duri col capel no ha pì vist qual
che ’l é el senso e ’a forma dei doveri,
el permaeoso e infame marescial
ciapando i do insulti pa’ na serie
de oltraggi a lu pubblico uficial
(’i véa zenà insieme chealtro ieri)
lo ha denuncià… No pa’a risposta al fesso
me pare s’ha vergognà… del processo!
E l’ha ringrazià come ’na beghina
el giudice che’l gà netà ’a fedina…
E quea inveze l’é el motivo omesso
che de ’ndar altero ghe déa mostrina…
|