7 gennaio 2007
222/60 - s. 140/58°
Meluzzi e Morelli
Int’el mar magno de ’a tivù dei cruzi
nòa do pessati che se fa bèi
pur no ’vendo el sa’or dei merluzzi
né ’e carni soffici dei nasèi
no ’i ha el gusto inpegnativo dei luzi
né quel pì sfizioso dei canestrèi:
’i é el psyco de Rai Due (Meluzzi)
e quel de Canale Cinque (Morèi)
Come do salpe dal gusto spent
dentro pa’ un canal e par chealtro fora
’i é dapartutt e no’i sa da gnent:
se t’i frize no ’i migliora
i resta senpi anca soto un vent
de salse che te ghe bute par sora.
|