6-8 novembre 2006

El me primo parón
 
Parché el me sta ’ncora tant so ’e bàe?
Par quel che’l jera, che’l fa e che’l pensa?
Par come che’l m’ha tratà? Pa’e monàe
che’l conta co na faccia tosta immensa?

Par come che’l te varda e no ghe càea 
i oci dâ vergogna, co l’aria intensa
de chi senbra onesto, e pararàe
che de ciavarte ’l èpie vù dispensa...

Se anca al inproviso el ciapesse
tut quel che ’l ha (e le é fior fior
de paeanche) e tut el regaesse

ai poréti o al convento, in cuor
mio poràe pensar che lo fesse
par méterghea in cueö anca al Signor...