6 novembre 2006
Don Armando
Da zinquant’ani Caposil l’é tèra
del paroco in atività pì anzian,
che da na esistenza de fede vera
e senpre co ’a so barzeeta in man
el cava ’a sapienza che no dispera,
conprende tut e perdona; e al can
furbo el ghe crìa co vose sincera
ma ’l ghe vol ben... parché ’l é parochiàn!
Do robe el se ricorda capitài
de ’a so istruzion: el confino in Molise
pa’ na batùa sui gerarchi bacài,
e l’aluvion che vea ’negà, lu dise,
fin l’anema: in mezzo a ch’i desperài
dar e dar l’é del cristian ’e radìse…
|
(coccodrillo)
Da zinquant’ani a Caposil, el jera
el paroco in atività pì anzian:
da na esistenza de fede sincera
e senpre co ’a so barzeeta in man
el cavéa ’a sapienza che no dispera,
tut comprende e perdona, e al can
furbo el ghe criéa co vose vera
ma ’l ghe voéa ben... ché ’l é parochiàn!
Do robe el ricordéa capitài
de ’a so istruzion: el confino in Molise
pa’ na batùa sui gerarchi da cài,
e l’aluvion che vea ’negà, se dise,
fin l’anema: in mezzo a ch’i desperài
dar e dar l’é del cristian ’e radìse.
|
