4 novembre 2006

171, s. 93/27
’A sindrome de ’a Aniston
 
’A sindrome de ’a Aniston ’a é quéa 
che ciapa drentro una che se vede 
d’inproviso restituir ’a fede
e sostituìr con una pì bèa 

e tut’e ciàcoe so ’a Jolie buèa
no serve ’a gnente parché de l’erede
Brad Pitt é inamorà, e ghe crede
anca quei che prima no ghe credéa…

Da chel momento in avanti co ’a żente, 
co n’altro, ’a porà pur farse rason, 
tornar a star ben, ma é evidente 

che par tut el mondo ’a Aniston 
varà tentà co chi che’a véa darente 
l’immane sforzo de ’a sostituzion…