21 ottobre 2006
Litizzetto
’A me fa morir int’el quarto d’ora
che co tre tiri che nessun varàe
corajo de far ’a riesse ancora
a usar in pubblico ’e smudandàe
che Fazio fa sol finta ma no sòra;
e intanto ’a buta ’l astio drio ’e spàe
in modo che tuti ride e l’adora
e sogna de verla in casa giornàe...
Ma par ver voja de basarla serve
gnent ridar: squasi mejo ’a D’Amico,
lessa e bea, de certo senza ’a verve
de chealtra o’l so sguardo lubrico
o ’a batùa fulminante de’e serve,
che ’a te conpra col so faccin pudico!
|