19 ottobre 2006
Costanzemente
Së un ghe opponéa ’na qualche idea
lontana dâ so tolleranza spinta
o una de quee che no ghe tiréa
lu de accettarla el fea prima finta
ma in realtà el ghe dichiaréa
’na guera finché no l’avéa vinta
concludendo co ’a so frase pì bea:
«’A madre dei cretini è sempre incinta»
...Pecà che ’a sua n’ha usà el deretano
anziché concepirlo, furegon
de sentimenti stirà sul divano
che’l pontificä in teevision
circondà da veìne nude, un nano
de psicologo e qualche trombon...