13 dicembre 2006
198 - s. 119/44°
I me veci parléa inglese
Ho ridest pa’ ani de me nona
parché ’a diséa “Zhòcui”, “Zhavate”
e “Zhacoeón”, e me paréa d’essar mona
se no adolcìe un fià che’ paroeate
che massimamente so ’a boca stona
dee persone studiàe e beneducate...
A me pare, co ’a so żeta grezzona,
gh’ò fat de che’ assurde sceneggiate
parché ’a sua no jera lingua vera...
Finché no ho trovà ’na mestrinota
che m’insegnéa ’na lingua straniera
piena de “zhink” e de “zhenchiu”, ’na bota
peżo de l’espression tera tera
de me nona (che ’a jera anca zhota)...
|