18 settembre 2007

320/104, s. 218/102°
“Gran dona mia muger”
 
Pensa, diretor, che dopo do ani 
un òn su do no ghe ne vol saver
de quea che in casa ghe rompe i piani
...e ti de ’a tua te trova piazer

de contar orgoglioso anca i “maeani”
concludendo: “Gran dona mia muger”.
Rècita pur na corona de grani
e come ti quei che sinte de dover 

dir grazie a’ Madona par na persona
che dopo ’na vita insieme ancora 
li entusiasma, ghe parla e li sustona.

Na gran parte, co se sveja bonora, 
dise: “Ma ch’ìa sta vecia grassona
che dorme sul me let e fraca fora?