4 luglio 2007

292/96 - s. 200/94°
Orali
 
Rivai a’a sesta giornada de orài,
i commissari, ormai privi de forze 
e de fantasia, taca a inacòrżerse
de ripètar domande sempre uguài,

ma pì no ’i se nasconde, tali e quai
li mostra l’indoe che no se storże
e che salta fora da soto ’e scorze;
sol ’i bada de no senbrar cocài,

parché po ’i se domandarà tuti
quant e se ’i sarà stati obiettivi
e despiase figurar farabuti;

infin, trä un «Rilezi» e do «Riscrivi»
d’ogni error formal par restar suti,
’i sarà paghi d’essa ’ncora vivi.