13 settembre 2007

319/103, s. 217/101°
Pessoa
 
Par pajazi i poeti che fa festa 
anca quando i ghe dise de far pian,
che ’i solve un funeral co ’na ridesta
e che del doeor e d’ogni mal can

che gira e rigira sempre pa ’a testa,
par che i posse desbrigarse co ’e man.
A mi su questo na frase me resta
de Pessoa, el poeta lusitan

gran mago dei aforismi del cuor
a cui no son bon de zontarghe gnente
de pì: “El poeta ’l é un fingitor

el fa finta cussì completamente
che’l riva a far finta che ’l é doeor
el doeor che veramentë el sente”.