12 settembre 2007

318/102, s. 216/100°
Fesso
 
Diséme valtri el senso de sto sonetto:
me son mess a ritrarme sul legno
e no parché pense d’essa un soggetto
particoearmente bel (anzi!) o degno;

l’é che conossendo ogni difetto 
de ’a me faccia no me vol tant impegno
decida dove sbalzarme de netto.
Dopo ver riportà a matita el disegno

me son dat co foga a scolpir el bordo
del viso, e po el naso, i oci, ’a sbèssoa…
Sul pì bel che me riconosse, un sordo

“sdek” distrugge ’a fine quasi in vista
e rivèa chë el legno ’l é fesso
de ongo in su… El legno? No, l’artista…