16 ottobre 2007

323/106, s. 220/103°
Lavorar coi fiòi un fià indrìo
 
Lavorar coi fiòi un fià indrìo
richiede motivazion e pazienza 
che purtroppo no m’ha concesso Dio:
voràe che almanco ’i vesse ’a scienza

de star sentai, ma me porte drio
el bocia che jere, che in inocenza
no ’l se alzéa finché no ’l vea finìo…
Li vede inderegai e pense senza

remore che a qualche dona (oh strega!) 
bisognarìe ligarghe ’e tube de Falloppio…
Dai, no... Ma resta ’a pena de ’a collega

che scampa dâ classe zigando: «Scoppio!»
(Certo che par tut quel che ’a se sbrega
’a dovarae essar pagada el doppio.)