22 settembre 2007

321/105
Me pare vea el stramaedeto vizio
 
«Me pare vea el stramaedetto 
vizio de bevar… » intercàea
tra un ricordo e chealtro Bepi
intanto che’l me conta i ani che é stat
e che’l va lento ai ricordi pì lontani
«Me poro pare quea volta véa fat…
quea volta véa dit… »

e intanto, vutu par rinfrescarse ’a goea
dato che’l parla, che’l parla, che’l parla
vutu parché el vin ’l é bon e ’l juta 
a moear anca i ricordi pì coti, 
uno dopo chealtro el s’impenisse sie goti, 
stramaedetto vizio che so pare ghe vea assà
tra quatro strazze e un carét, in eredità.