31 marzo 2008
368
El paese del bon odor
Sperée che a “CROSE” fusse żontà
el cartel “PAESE DEL BONUMOR”,
ma dopo ’a lapide c’ha dedicà
’i allievi â Lisa, che dopo un signor
“grazie” par so mama e par so papà
portéa a motivo de tant amor
“de verme fat nasa (NASA!) qua”
ho caro che ’i dise “DEL BON ODOR”:
é chiaro che se respira aria bona
“tra sta me żente, forte e coragiosa”:
qua el mughet al gelsomin se sposa
e qua parfin a vecia scoreżona
che stéa sot el ponte de Verona
’a sa de pomi verdi e de mimosa.
|