3 settembre 2008
388/148 - sonetto 275/143°
Gratta e vinci
De sòito ’e grosse vincite al lòto
assa sempre inte i vizini un fià d’invidia
e invenze, quand’ho savest dae foto
che Maurizio, un che no vive l’accidia
dei siori, in autogrill véa fat el boto,
son stat contento, e no co ’a perfidia
dei amighi che spera soto soto
de ver calcossa e intanto i ghe falcidia
el gusto de magnarse i soldi suti
(se sa che ’a vincita ’ndarà a ruba),
ma par lu, che li usarà pai so fruti,
e che’l poràe ciapar e ’ndar a Cuba
e li bagna in te na zena co tuti,
da farne tornar dir: “Che stopper, Uba!”
|