25 agosto 2008

387/147 - sonetto 274/142°
Riposo dae vacanze
 
E vacanze l’é squasi deventàe 
d’obbligo e na necessità, “se deve
partir, canbiar aria”, pararàe
senza de no poder restar, “se deve, 

assolutamente”, no importa quae
che sie ’e condizion, no te te’a beve
de star casa e che te vegne do bae
cusś o se par farle te monta a freve

gnanca quea te frena, «soltanto spero
che ’a me passe in viajo, semmai vanze
qualche dubio sul d́ da bón nero…»

Ma ’i te dise a ti, tornà in te to stanze:
«Atu fate? Eh, ti te ś davero
fortunà che t’ha żà fat ’e vacanze!»