8 novembre 2008

392/151 - sonetto 278/146°
Ho caro perda anca mi
 
A volte me domande parché ocore
ciamar ‘stranieri’ par ciapar baeoni:
come Zèro Baéta che no core 
e Fibo che se dribla anca i maroni.

Altri sbaja e s’incapèa (lavore 
par tegner memoria de sti campioni),
ma sicome i do  ’i é el primo amor
del presidente, senza spiegazion, 

questo fa che co ’e squadre scaturìe
epie da perda lori, pal motivo 
ch’e ultime volte che ’i à żiogà

’i à senpre pers e ’i fa perda, guaìvo…
Ma ho caro perda anca mi ’e partìe 
no sol che ’e domeneghe su par là.