A zentonavanta e pì come in pista
drio l’autostrada i lo ha fermà, Zaja
vicepresidente de coltura mista 1
co ’a perenne abronzatura da spiaja

che presidente de ’a Marca Leghista
el paréa el bocia drio far ’a naja
e de ’a canpagna el véa fat el regista
pâ prudenza, toh, adess i lo squaja:
 
quatrozento euro de multa (pochi 
par chi che ghe ne ciapa dièsemie 
al mese), so ’a patente diese tochi

de manco e ritirada; su do pìe
’l ha’campà “un’emergenza” da farlochi,
come un vero chirurgo del domìe.


1 assessore alle attività produttive