11 luglio 2007

Traffico
 
Un traffico de ’a madona, gnanca 
un posto par parcheggiar, no é modo
de metterse qua parché é na panca,
e dove che poràe essarghe el trodo

no se passa parché na SUV bianca 
riduse de squasi metà el vodo;
me volte co ’a faccia senpre pì stanca,
e stue ’a tentazion de usar un ciodo.

Ma quando a me pazienza ormai langue
finalmente vede un canton tra i do pruni
davanti al negoziét dei do sarti;

e un me vede: «No ’l stae farse el sangue
amaro: ’a é cussì tutti i luni».
«Lu ’l ha rason... ma ancuo é marti!!»