24 aprile 2007
Ramazza oh
A tendenza a profitar de chi pì
de chealtri é disponìbie no pol
far desmentegar che no é civìe
far lavorar sempre i stessi: ’i à sol
che do man da inpegnar e sol do pìe
par córa e poche ore de sol
par star fora e se ’i se alza ae sie
’a sera ’i à ’a testa che ghe diol...
«Ormai che te ghi sì, te porae anca
’ndar là... giustar quà... spareciar ’a tòea...»
Ecco ’a risposta che me tegne in banca
par quei che me trata come ’na schiera:
«E parché no inpirarme na scóa
su pal cul, cussì nete anca par tera...»
variante v.11: che dae co ’a man zanca
|