5 maggio 2007

271/84 - s. 180/82°
L’é bravissime a vardarse
 
’E femene l’é bravissime a vardarse
drìo: ’e riesse a veda ’e caviglie
grosse in t’una che ha beéze sparse
ovunque e de quea c’ha do meraviglie

al posto dee tette ’e dise che l’é scarse…
Miss Italia ha do oci come biglie
e MisMondo ’a é brava sol a parlarse 
dòs e a far coezion de pastiglie...

Tra done che frequenta el stesso covo,
una dise de chealtre che l’é brute,
queste che vien éa fora dal vovo

o che ’a va via co’e cotoe massa sute…
E mi come na simia e come un lovo
pense che... me ’e tombaràe tute…