7 settembre 2006

135 - sonetto 58, 6° in dialetto
Testimone... a sfavore
Te t’à sposà - se pol dir - de nascosto
dopo el tacito accordo ventennal
che sarìa stat mio sicuro el posto
de to conpare in abito nuzial.

Par mi che ’vée chel patto riposto
in fondo al cuor però no é un mal
che te më epie risparmià in agosto
davanti a un pinpinot comunal

’na cerimonia che no val un’ostrega
dentro ’na saea de sedie maron
int’el Municipio de Marostega;

mi me par che senza benedizion 
tant val sposarse davanti un oste
co quatro carafete de vin bon.