14 novembre 2008
395/153 - sonetto 281/148° in dialetto
Quando leże de odifreddi
Quando leże de odifreddi me vien
da farme suìto un giro pal convento
pal contrasto tra ’e so monae e’l ben
che se respira in tel siénzio drento:
lu critica ’a Ciesa che ferma tien
’a rason de ’a Fede e mi sente el vento
che spira so ’a Storia da quando sen
a’ mercé del bimillenario evento;
e quant lu pì tristi spara fora
’e sentenze tant pì me fa rida
el volto de Cristo che dise “Ignora:
no ’l pol far che quel ch’é stà s’elida”;
tuta ’a so logica resta par sora
mentre che ’a Vita al Mistero s’invìda.
|