18 dicembre 2006

Moltrin e molton
 
’L udor depresso de ’a roba lavada 
che no s’ha sugà o che s’ha sugà 
lenta o indoss dopo ’na piovada,
l’odor dei calzeti portai pa’ un fià 
 
e desmentegai so ’a borsetta picada
senza che i rive a saver da sofegà, 
’l effluvio de ’a cuna mai revessada...
questo ’l é l’udor che da moltrin sa.

Ma l’udor del òn che torna a sudar
senza passarse con un fià de saon
(a volte basta anca quel da lavar)

e ghe someja a quel del cavaron
che core in spiaja e scampa dal mar
ecco, quel ’l é ’l odor del moltón.