11 settembre 2008
390/150 - sonetto 277/145°
Materia e forma
L’arché ’l é ’a figa pa’a pitura seria
de Courbet, ’a sostanza cazzo e pastroci,
se i matematici pa’a forma ha oci
i fisici s’incanta co’a materia:
i primi misura i pomi d’Esperia
questi lavora anca spesso in zenoci
tanto da ver cómi e facce da froci.
El matematico fa maceria
de quel che no serve e se rasserena
co na forma de gnocca, quasi mai
coi schei; el fisico daràe el dadrìo
par sentir ’e particelle de Dio,
ma i gran busoni de Higgs, maeài,
deve ancor decida chi mete ’a schiena.
|