17 gennaio 2009

413/163  sonetto 293/158
Dopo Leibniz
 
Ai tempi de Adamo ’e operazion
pì diffuse j’era ’a somma e, pì rara,
a misteriosa moltiplicazion.
Par questo Dio, che mai no sgara,

par far lassù el so bel figuron 
ai do che in te l’Eden tra na cagnara 
e na indòrmia ’ndea de storneon 
senza saver quel che’l futuro para

El gh’à comandà meténdo el desìo  
«Corajo, crescete e moltiplicatevi!»
che no jera dubio che ’L jera Dio.

Se’L vesse dichiarà ’a so voluntate 
dopo Leibniz el varae suggerìo
«Differenziatevi… e integratevi!»