La Furlanela

Da tanti ani, ma no da sempre, sufia
sul Cazzettin el ventesél che monta
da’e monàe de quea che or rufia-
néa i verdi, ora ghe dà ’na onta

ai neri… che no se sa se ’a scufia 
de lecacul l’epie chi che ’a ne conta 
o éa: el bocia fiol de quel che sbufia 
à trovà in soér na letera sconta

ed eco che a contàrneo pensa éa,
la degna comare, la Furlanèa,
mentre pal pare parla el Ciribin:

li par venti che spira dal Terstin
e inveze li é la scoreża bèa 
che se move e spira dal intestin.