10 luglio 2018
563/245a – s. 404/232° in dialetto
’L Ade mente
Artista a metà, fia de Nietzsche intiera,
fiera amante de ogni OLTREUOMO panpe
che se crede bon de far na guera
co spituràe de fango e zighi e vanpe;
’a inpenisse discorsi da scarpiera
e scenari d’arte che Dio ne scanpe
co monàe che no sta né in ciel né in tera
e co un Dibba pì senpio de ’e so stanpe.
Finta comunista, siora e snobina
’a se crede bona de meta ’a bonba
su quei che rajona decentemente;
la é un cadavere che camina,
ma éa se crede de pì, l’OLTRETONBA,
epur tuti savén che ’l Ade mente.
|