9 luglio 2018

562/244a –  s. 403/231° in dialetto
El premier (s)Cont
 
’L é proprio come ’a ELLE del artìcoeo
femminìe in diaèto: no se ’o sinte!
Pol essar segno che no é perìcoeo
in vista, o che’l sa che l’é tute finte

’e stupidàe che spara ’l amenìcoeo
verde a cui el par dàrghee tute vinte
e che pur lo fa senbrar ridìcoeo
(come se ’l mondo fusse tut a tinte

fosche). O forse ’l é propio na persona
discreta e inteigente, che cronpa
co schei veri e no de carta veìna...

Ma vendo vist che ’l é un che ponpa
el curìculum de ogni cazadina
l’inpression l’é però che ’l sie na mona.