11 gennaio 2008

339/114 - s. 232/110°
Influenze
 
A chi nega influenze massa stréte
dei libri so ’a vita, vui ricordar
che me son iscrit a algebra par
quel: no parché ciapée pì de sète 

bensì pa’ ver lèt de Michelstaedter
e de “Doktor Faust”. Pol capitar 
co un ’l é zovane, ancora da far,
che incide pì de tremie pandette

un testo ben fat. Pó son cambià
ma’l peso dei libri so tut’e tarme
de ’a me vita s’à mantegnù chel là.

Ancora dess, quando divore un carme
american, me vien da separarme
anche se no son mai stat sposà.