225/61 - s. 143/59°
I cinesi in ospedal
Chealtro giorno é mort un poro cinese
de tumor (quarant’ani!) in ospedal
e tuti i so parenti, che pa’ un mese
col magnar che spuzéa da cocal
i veà impestà ’a stanza, senza offese,
da farghe a chealtri zinque vegner mal,
po’ che ’a Morte lo ha tirà zo de spese
là sul let i g’ha fat el funeral.
«Non potete toccale la sua pelle
pel molto tempo» g’ha dita Adriano,
«dobbiamo poltallo giù nelle celle-
fligo...» E quando lu m’ha contà sto brano:
«Ma ghe risponditu anca ti co ’a “elle”?»
«Me par mi che ghe parle manco strano».
|