20 gennaio 2007

226/62 - s. 144/60°
Cena di classe
 
Qualchedun se varà domandà el senso
de voér de ’a storia cusir i brani, 
dess che’l sentimento ’l é manco denso,
soffuso el ricordo dei vinti ani

e ’ndat par sempre el bisogno intenso
de confrontarse, come Greci e Troiani, 
coe difarenze de anagrafe e censo…
senza ver risposte par sti maeàni.

El magnar senz’altro n’ha jutà a rida
tra ’na domanda senpia e un dubio atroce,
anca se ogni tant rivéa el siénzio;

nessun s’ofende, vero, se in mezo a’ “movida”
ho lèt ’a soětudine feroce
de ’a sioréta del quadro de “L’assenzio”…