9 luglio 2011

473/198 - sonetto 339/192° in dialetto
Dal scarper
 
Sentì questa se no l’é divertente.
Sistemando i pachi in soffitta trove
tra ’e carte un scontrin de un scarper de nove 
ani fa, co jere ancora studente;

pensando de no ver ma proprio gnente
da perda, porte el scontrin dove
é sempre restà el negozio e prove
dàrghe’o al scarper, che a màincuor se sente

in dover de ’ndar in zerca da drìo
dee scarpe mai ritiràe. Passa
diese minuti e ’l ritorna insorìo

ridandome el scontrin piegà in do parti.
«Beh – fae – le hàeo trovàe in fondo a’a tassa?»
«Sì»   «E alora?»   «’E sarà pronte marti».