1 agosto 2011

474/199 - sonetto 340/193° in dialetto
Prete storico
 
El s’ha procurà rarità importanti
par contarne ’a storia del paese,
l’ha pers a Treviso i so żioba tanti
par documenti pieni de sorprese,

co é stat da decifrar i canti
el pì lo ha fat lu un tant al mese,
calcossa ’l ha demandà ai so santi,
el pì scuro lo ha cavà żo de spese;

dove che ’l é stat bon ’l ha fenìo
e dove che ’e frasi no ghe tornéa 
’l ha interpretà, tajà e ricusìo:

no é fazie studiar incunàbo’i, 
par carità, del resto se ’o savéa
che ’a precision l’é l’aurum diàbo’i