8 luglio 2011
472/197 - sonetto 338/191° in dialetto
Tra mi e lu
Che’altra sera a zena me son trovà
sentà vizin a uno che (no ho
capìo parché ma) ’l vol co tut el trà
far figura su de mi, che però
no son bon de starghe drìo: lu ’l ha
fat questo e fat quel, se mi so
un, lu sa do, sa mejo e lo sa żà…
Finché, ciaro, stuf de parar żo,
ghe mete na man so ’a spàea e ghe dise :
«El varde, tra mi e lu mi diràe
che savén proprio tut, dae radise
fin su in zima: parché lu sa el de pì,
tut, tranne che ’l é un rompibàe…
e questo, se’l permete, lo so mi».
|