4 giugno 2013

493/209° - s. 353/203°
’A donna in-divisa
 
A mi me piase ’a dòna in divisa
col passo sicuro che tira in fase
’a gonna streta, foulard e camisa,
capel col frontin ’t’el segno de ’a pase,

donna tuta d’un toc che s’insgaisa 
s’un ghe va drìo par pì de do case 
che sentenzia “Tra sta żente che fisa 
el me porton, no vui che te me base”.

E vorae ben veda a chi che ’a ghe piase
fata inveze a tochi in te na vaìsa
de qua ’i brazzi, de ’à ’l resto de ’a frase...

ma de qualcun, ghe scomete ’a camisa, 
se sa qual che ’l é el toc de base
par cui ’i smania e ’i se desbaìsa.