Lecce, 28 luglio 2008

385/145 - sonetto 272/140°
B&B "La Coccinella"
 
Inte ‘A coccinella’ par mi se specia 
a Simonetta, servente e parona:
par che ’a se ne stae sempre in recia
parché pena che se se piantona

a toea ’a riva col caffè; ’a parecia
succhi, paste, un sac de roba bona.
’Vendo i fioi grandi, ’a é pì vecia
de quel che ’a dimostra, ma no’a se’a sona:

magra, precisa, elegante, bionda
a pèe bianca de chi no va al mar,
el sorriso che ne tien sempre sponda,

’a parla col so bel modo de far
e se ne manca un potacio ’a se fionda:
forse ’a teme de farse desmentegar…