28 gennaio 2007

231/63 - s. 148/61°
Autoritratto
 
Ho na faccia comune, senza gnente
de particoear, né quadra né tonda,
che pol anca sembrar inteigente
par via de l’espression dura e profonda

de do ociàje nere drìo a lente
da orbo miope e soto a gronda
de un oss sopraciliare sporgente,
ma in bass ho ’na bea boca a farghe sponda…

Quel son mi e co me vede al specio
e pense che un capèl, ’na baréta sgargiante
i cavéi longhi… poràe farme manco vecio

o darme almanco un’aria intrigante,
me vien suìto da rida del parecio
e ridendo me trove affascinante…