11 marzo 2008

359/129 - sonetto 252/125°
’A gaìna che canta
 
Te t’ha vantà al tenpo de ’a sonèra 
che g’ho provà co ti e no jera vero, 
cussì t’ha dichiarà chealtra sera
a zena che’l to coèga severo

de laboratorio da ani spera 
de ver co ti qualche rapporto intiero...
E prima te te véa lancià so ’a sfera  
dei pochi nove chìi e no sul bero...

No so se cosciente ma na sioreta 
te sì e no te te vede, da novo;
e se d’una ho vist inte i oci ’a peta 

de ’a sconfita tra tute in chel ritrovo, 
te risponde ti come na stronzeta...
’A gaìna che canta ha fat el vovo!