358/128 - s. 251/124°
Perez
 
Quando ha catà da dir co lu ’a Tormìo1
(Perez no’l comunichéa pa’ intiero)
’l on de ’a filosofessa jera drìo
moearla coi tosatei, e perciò vero

ghe vegnù fazie far-su un desìo:
forse ’a vedéa in Perez, serio e nero,
el far un fià ambiguo del marìo
e come gata ’a g’ha magnà el pavero2.

Lu s’ha rialzà co tenacia e forza, 
quatro materie ’l é’ndà a riparar
a settembre... e senza assarghe ’a scorza;

el s’ha rifat astronomo e Jabar
e in quinta el ne leżéa co ’a vose smorza3
storie de quei c’ha’l nome scritt in mar4.


1 - la prof di hypnosofia di III
2 - lo stoppino della candela
3 - sottovoce, per non disturbare la lezione
4 - aneddoti di poeti, il cui nome è scritto sull’acqua