25/26 febbraio 2007
240/70 - s. 156/68°
Fastidio
É dei giorni… sarà colpa de ’a żente
che incontre, o inveze de ’a me condizion
d’isoeamento, del tempo demente,
del caldo, un principio de depression,
’a vista de ospiti che fa gnente
e se ciama tra lori in teevision
par mantegner ’na vita difarente…
che a sto fastidio se żonta un magon
(anche se lo ciame o spleen o noja
co definizion tut altro che nova
dentro de mi co ’e ore no’l se sbroja)
cussì vioénto che in boca el me cova
un amaro infinito e na gran voja
che’l ciel, come drento mi, mete piova.
|