360 giorni ’l ano

Durante i festeggiamenti del Patto d’Amistà
’a Zaccarioto, dando i caponi
e fasendo sfoggio de paroeoni
col coèga Menazza, ha ricordà 

che tra ’l comun de Musil e San Donà 	
no ha nessuna logica essar boni
’na giornada sol, ma senza eccezioni 
deve essarghe sincera amistà 

i tresentosessanta giorni ’l ano...
Ma parché nissun gà domandà 
quai che ’i é i zinque esclusi dal piano,

cusś magari inte chei giorni là
èvite traversar el Piave invano
che magari anca qualcun me dà...