1 marzo 2008

354/124 - s. 247/120°
Super Zippo
 
’A passion dei Granpremi senpre drìo,
istà e inverno co ’a fameja a Forno
lu ai sui el gh’à senprë ubidìo
co un far onesto, ùmie e disadorno

specialmente a so mama come a un dio,
scoltando de magnar un pomo al giorno
senpre, e no’l s’ha mai infastidìo
che almanco el se cavéa el dotor de torno.

El s’ha diplomà (ben), laureà,
snajà (parfin da sol ’l é ’ndat via),
el s’ha inamorà, imorosà

e drio man, in ordine, sposà;
dopo diese mesi gh’é nat ’a fia 
ma po do ani ’a mojer lo ha piantà.