1 marzo 2008

353/123° - s. 246/119°

Alè...andro
 
Cressù a Grisoera (Eraclea),
el paréa vegnù fora da un mondo
mitologico, come el mùscoeo che’l vea
da tennista, duro forte e tondo;

mi e Bruno spesso se ghe scherzéa
sora e intanto che’l batéa dal fondo
se tentéa no farghe perda ’a nomèa 
contro el professor vegnù su dal fondo.

In quinta el s’ha un fià pers da sol,
moeà da morosa senza creanza
o, pezo, da so pare ’a mojer:

in ultimo banco se ’o vedéa pianza
finché da lu no é rivà el sol
de ’a Gigia a straviarlo e farlo goder.